Fama fontano «Amikeco de popoloj» («La internacia amikeco» laŭ Vikipedio) denove funkcias. La fontano havas 15 skulptaĵoj, kiuj simbolas amikecon de ĉiuj 15 respublikoj de Sovetunio.
Jen estas kelkaj foroj de la fontano kaj la Tutrusia Ekspozicia Centro, kiu por mi ĉiam restas ВДНХ — Выставка Достижений Народного хозяйства (Tutsovetunuia ekspozicio de la naciaj atingoj).
Jes, finfine komenciĝis la plej bela sezono — verda printempo. Ne tro varmas, sed agrablas. Mia plej ŝatata vetero. :)
Hodiaŭ ni festis Paskon en la infanĝardeno. Estis amuza kaj hela festo por infanoj kaj iliaj gepatroj kun kantoj, distraĵoj kaj komuna manĝo.
«Leviĝu Dio, disĵetiĝu Liaj malamikoj, kaj forkuru Liaj malamantoj for de Li.»
Bonega estis la nokto. Multe da homoj, multe da kandeloj, belega kantado kaj sonoriloj…
La pastro sanktigas ovojn kaj paskajn kukojn, kaj ankaŭ la homojn.
Nun ni estas pretaj ekveturi preĝejon por ĉeesti la plej gravan kaj plej ĝojan Diservon ĉi-nokte.
Hieraŭ ni vizitis muzeon «Eksperimentanium» — «muzeo de amuzaj sciencoj», kie vizitantoj povas (kaj devas!) tuŝi, provi, lanĉi, tiri, premi, konstrui kaj observi, rigardi, vidi… Ni pasis pli ol du horojn tie, kaj deziras reveni por pli detale kompreni apartajn eksponaĵojn. :) La muzeo troviĝas ne tre malproksime de nia loĝejo — ĉe Savjolovskaja metrostacio, apud la lernejo, kiun vizitas Marina.
Daŭrigo »
La printempo jam certe venis Moskven. Mi scias tion, ĉar kortistoj kaj vojaj laboristoj prenis farbon kaj penikojn enmanen kaj ekfarbis la barilojn, borderaĵojn, benkojn ktp. Ili faras tion ĉiujare printempe, kovrante ĉion per dika tavolo de malbonkvalita farbo, kiu restas malseka dum duono de somero… Lastaj jaroj oni preferas uzi kombinon de verda kaj flava koloroj — tute malbonaspektaj, precipe en la centro.
En miaj fotoarkivoj mi trovis kelkajn belajn fotojn, kiujn mi antaŭ neniam afiŝis. :)
Mi ŝatas tiun parton de malnova Moskvo — stratetoj ĉirkaŭ Ĉistyje prudy («Puraj lagetoj» ruse). Interalie, ekzistas nur unu-sola lageto, sed ial ĝia nomo havas formon de pluralo.
He-he… Hieraŭ mi finskribis mian unuan notlibreton. :) Dum la vivo mi uzis ĉiuspecajn notlibrojn kaj kajerojn por taglibri. Mi taglibris eĉ sur apartaj hazardaj folietoj de papero. Tamen, uzi bonkvalitan notlibron por tio estas pli agrable. Do, mi ĵus komencis la duan… ;)
Pluvas hodiaŭ. Mi ne tre ŝatas sekan veteron, sed hodiaŭ mi ĝojas, ja pluvas, ne neĝas! :) Tamen, oni prognozas, ke semajnfine malvarmiĝos.
Ekstere plu grizas kaj floroj ankoraŭ ne floras. Sed tiu ĉi floras sur mia fenestrobreto. :)
