Hieraŭ ni vizitis muzeon «Eksperimentanium» — «muzeo de amuzaj sciencoj», kie vizitantoj povas (kaj devas!) tuŝi, provi, lanĉi, tiri, premi, konstrui kaj observi, rigardi, vidi… Ni pasis pli ol du horojn tie, kaj deziras reveni por pli detale kompreni apartajn eksponaĵojn. :) La muzeo troviĝas ne tre malproksime de nia loĝejo — ĉe Savjolovskaja metrostacio, apud la lernejo, kiun vizitas Marina.
Daŭrigo »
Mi (re)trovis kelkajn belajn kromprogramojn por GIMP. La unua estas BW Film Simulation. Ĝi imitas nigra-blankan filmon (pli ol 15 diversaj specoj de filmoj), kaj mi ĝin jam uzis iam.
La dua kromprogramo estas FIL (Film Imitation Lab). Ĝi havigas riĉajn eblecojn por imiti diversajn filmajn efektojn (monokromo, duotono, fotokromo, Lomo efekto, grajneco ktp). La supra foto estis prilaborita per tiu ĉi kromprogramo.
Por ĝi funkcii oni bezonas instali ankoraŭ du ege interesajn kromprogramojn: G’MIC kaj Fix-CA.
Ĝis ni kun Marina decidos kie ŝiaj fotoj aperu, mi publikigas kelkajn ĉi-tie. Jen Marina fotis la patrinon. Verŝajne ŝi mem inventis tiun «kadron» el sia propra mano. :)
Hodiaŭ denove pluvegis. Ĉi-tie pluvas preskaŭ ĉiutage. Pro tio aero malsekas. Tamen, varmas kaj sunas pli ofte, kaj eĉ pluvoj estas varmaj kaj agrablaj. Kaj la maro estas same varma.
Hieraŭ ni prenis katamaranon kaj navigadis preskaŭ du horoj en «la alta maro». Mi estis kapitano, Marina — stiristo, Anja — mekanikisto kaj Ĵenja estis pasaĝero. :)
Mia reta amiko Michael Vokabre desegnis min kaj miaj karaj knabinoj.
Hieraŭ matene mi forveturis vilaĝen — al miaj karaj knabinoj. Vespere ni biciklis kune tra arbaro kaj proksima vilaĝo Rudnja. Varmegas ĉe ni, sed la biciklado estis agrabla kaj gaja.
La pasintan semajnfinon ni kun Ĵenja pasis purigante nian loĝejon. Multe da laboro estis farita. Ni preferas fari ĉion mem — eĉ lavi fenestrojn. Kaj ni ŝatas fari ĉion kune.
Sabatan vesperon kaj la tutan dimanĉon mi pasis en la vilaĝo kun mia familio. Ni ludis badmintonon, bicikladis tra arbaro, manĝis fragojn en la ĝardeno…
