8 Jun 11
Bona somera vetero — varma, suna kaj iom venteta. ;)
24 Maj 11
Matena vetero
Matene pluvegis. Grizaj malaltaj nubegoj kovris la ĉielon. La nubegoj estis tiom malaltaj, ke Ostankinskaja turo estis videbla nur duone.
Tamen, post unu aŭ du horoj la nubegoj forkuris. Kaj nun estas klara, suna kaj freŝa vetero.
18 Maj 11
Brilanta herbo
Hieraŭ revenante hejmen, mi rimarkis, ke herbo brilegas en radioj de sunsubiro post pluvo.
9 Maj 11
Printempo en arbaro
Hieraŭ ni estis en arbaro la unuan fojon ĉi-jare. Vetero estis varma kaj seka.
5 Maj 11
La plej bela sezono
Jes, finfine komenciĝis la plej bela sezono — verda printempo. Ne tro varmas, sed agrablas. Mia plej ŝatata vetero. :)
8 Apr 11
Pluvas
Pluvas hodiaŭ. Mi ne tre ŝatas sekan veteron, sed hodiaŭ mi ĝojas, ja pluvas, ne neĝas! :) Tamen, oni prognozas, ke semajnfine malvarmiĝos.
5 Apr 11
Taglibre
La vetero subite pliboniĝis kalkaj tagoj antaŭ — jam pli varmas, pli sunas, kaj finfine aperis sento de printempo.
Tamen, mi mem sidas hejme. Mi malsanas. :( Mi malvarmumis kaj fartas tute malbone. Mi volas nur kuŝi surlite kaj dormi. Kaj min eĉ la printempo ne ĝojigas…
29 Mar 11
Neĝas denove
Ni jam forte atendas printempon, sed ĝi ankoraŭ ne venis… Hodiaŭ denove malvarmas (-3°C) kaj neĝas… Aĉa vetero.
9 Mar 11
Sunas
Hodiaŭ estis suna kaj sufiĉe varma vetero (+5°C verŝajne). Mi iomete promenis kun mia fotilo en la centro de la urbo.
2 Mar 11
Ĉu printempo?
La dua tago de kalendara printempo. Hieraŭ kaj hodiaŭ estas suna vetero. Kaj multe pli varmas ol, ekzemple, tri tagoj antaŭ. Ĉu la printempo venis? Nu, mi dubas. Ja ordinare printempo komenciĝas post la 14-a de marto en nia regiono. Mi, do, Ĝojas pri la suno kaj varmo, sed restas preta por pliaj frost(et)oj kaj neĝventegoj.
24 Feb 11
Atendante printempon…
Hodiaŭ mi trovis tiun ĉi foton en mia arkivo. Fotita jam tri jarojn antaŭ. Printempe. Mi tiom ŝatas printempon! Sed la frosto plu daŭras ĉe ni — hodiaŭ estas ĉirkaŭ -20 celsigradoj kaj ventas. Brrr… Tamen, mi jam atendas printempon, do mi afiŝas la foton. :)
17 Feb 11
-27°C
Mi havas du termometrojn hejme: bonaniman kaj malican. La bonanima ĉiam montras pli varman temperaturon ol estas efektive, la malica ĉiam montras pli malaltan temperaturon. Sed la dua ofte pli pravas ol la unua. Do, sur la foto estas la dua, malbonanima termometro. Kaj ĝi tute pravas hodiaŭ.
9 Feb 11
Plu neĝas…
La tutan nokton kaj la tagon neĝis. Neĝo falas ĝis nun… Ĉi-tiun foton mi faris frumatene hodiaŭ.
9 Feb 11
Vetero
Hodiaŭ estis malserena, griza sed sufiĉe varma vetero. Vespere ekneĝis. Oni diras ke neĝos plu…
26 Dec 10
La mondo glaciiĝis…
Hodiaŭ pro «glacia pluvo» pli ol 100 loĝlokoj ĉirkaŭ Moskvo restis sen elektro, multaj eĉ sen varmo. Dum longa tempo ne funkciis fervojoj — la peza glacio disŝiris elektrodratoj. Laŭ amaskomunikiloj flughaveno Domodedovo ĝis nun ne funkcias. Miaj gebopatroj raportas ke en ilia loĝloko ĝis nun ne estas elektro kaj varmo. Kaj neniu scias kiam ĉio estos denove en ordo. Tamen, la glacia pluvo ankoraŭ ne ĉesis…
Arboj kliniĝis sub pezo de la glacio, multaj branĉoj kaj eĉ tutej arboj rompiĝis.
Dmitri Breĉalov © 2009-2011
-
Ankaŭ legindas:
- Esperantlingva Blogosfero
- Esperanto.com
- Help Journal
- Libera Folio